Einingar: 3
Hæfniþrep: 1
Viðfangsefni: Tónlistarsaga, hlustun, formfræði.
Lýsing:
Á námskeiðinu er farið yfir tónlistarsögu 20. aldar og fram til samtímans. Fjallað er um helstu höfunda og verk sem móta tímabilið. Sagan er skoðuð í samhengi við almenna sögu 20. aldar í gegnum orsakir og afleiðingar. Leitast er við að tengja og skilja stöðu, þróun og framvindu listarinnar í ljósi ýmiskonar þjóðfélagslegra umbrota sem fylgdu tímaskeiðinu.
Forkröfur: Tónlistarsaga 2.1
Þekkingarviðmið: Nemandi skal hafa öðlast þekkingu og skilning á:
-
Mikilvægi tónlistarsögu fyrir heildrænan þroska í tónlist.
-
Fagurfræðilegum og hugmyndafræðilegum forsendum er liggja til grundvallar mismunandi stílum og einkennum tónverka.
-
Hvernig mikilvægir atburðir í mannkynssögunni hafa áhrif á þróun tónsköpunar.
-
Þróun stíls og einkenna á mismunandi tímabilum.
-
Gagnkvæmum áhrifum á milli mismunandi listgreina.
Leikniviðmið: Nemandi skal hafa öðlast leikni í að:
-
Fjalla um afmörkuð viðfangsefni er tengjast tónlistarsögu á 20. öld.
-
Svara munnlega og skriflega spurningum um tónlistarsöguleg málefni s.s. samhengi, orsakir, afleiðingar, stíl og áferð.
-
Þekkja mismunandi tónverk með tilliti til höfundareinkenna, stíls og áferðar.
-
Geta greint söguleg einkenni í samræmi við þróun stíls á tímabilinu.
-
Fjalla um tónlistarsöguleg málefni í heimildaritgerð.
Hæfniviðmið: Í lok námskeið á nemandi að:
-
Þekkja helstu höfunda og verk sem móta tímabilið.
-
Þekkja og skilja helstu einkenni sem eru áberandi í tónverkum 20. aldar.
-
Geta fjallað um og útskýrt áberandi einkenni í stíl og verkum 20. aldar tónskálda.
-
Hafa grunngetu til að fjalla um sögulegt samhengi 20. aldar tónlistar.
-
Hafa yfirsýn og grunngetu til að fjalla um form og gerðir verka á 20. öld.
-
Hafa yfirsýn og getu til að fjalla um þróun tónlistarinnar yfir tímabilið.
Námsmat – Stutt hlustunarpróf í kennslustundum, ritgerðarverkefni, próf úr efni í annarlok.
- Kennari: Úlfar Haraldsson