Einingar: 3
Hæfniþrep: 1
Viðfangsefni: Vestræn tónlistarsaga frá 1600 til um 1820
Lýsing:
Farið verður yfir helstu strauma og stefnur í vestrænni tónlistarsögu frá 1600 og til um 1820, þ.e. þau tímabil sem kennd eru við Barokk og Klassík. Lögð er áhersla á hlustun og greiningu í áfanganum. Einnig er miðað að því að nemendur öðlist yfirsýn yfir tímabilið og þekkingu á helstu stíltegundum í barokk- og klassískri tónlist.
Forkröfur:
Engar.
Þekkingarviðmið: Nemandi skal hafa öðlast þekkingu og skilning á:
-
Grundvallaratriðum í þróun vestrænnar tónlistar á tímabilinu.
-
Mikilvægi góðrar þekkingar á tónlistarsögu fyrir tónlistarmenn.
-
Fagurfræðilegum bakgrunni tónlistar á tímabilinu.
-
Tengingu atburða í mannkynssögunni við þróun tónlistar.
-
Tengingu milli ólíkra listgreina á barokk- og klassíska tímabilinu.
Leikniviðmið: Nemandi skal hafa öðlast leikni í að:
-
Fjalla um tónlist frá tímabilinu af þekkingu og innsæi.
-
Svara á gagnrýnan og upplýstan hátt spurningum um tónlistarsöguleg málefni.
-
Þekkja höfundareinkenni helstu tónskála á tímabilinu.
-
Geta greint helstu strauma og stefnur í evrópskri tónlist á tímabilinu.
-
Fjalla um klassíska og barokktónlist á gagnrýnan hátt í heimildaritgerð.
Hæfniviðmið:
-
Þekkja helstu höfunda og verk sem móta tímabilið.
-
Bera kennsl á helstu einkenni klassískrar og barokktónlistar.
-
Geta fjallað um sögulegt samhengi tónlistar.
-
Hafa yfirsýn yfir stíl og hæfni til að fjalla um helstu formgerðir verka á tímabilinu.
Námsmat: Skriflegt próf í lok annar, heimildaritgerð úr efni áfangans.
- Kennari: Úlfar Haraldsson